ਸੁਨਾਮ (ਰਮੇਸ਼ ਗਰਗ) : ਸੀਨੀਅਰ ਸਿਟੀਜਨ ਵੈਲਫੇਅਰ ਐਸੋਸੀਏਸ਼ਨ ਵੱਲੋਂ ਰੋਜ ਗਾਰਡਨ ਵਿੱਖੇ ਗਰਮੀ ਦੇ ਮੌਸਮ ਵਿੱਚ ਪੰਛੀਆਂ ਦੇ ਪਾਣੀ ਲਈ ਬਰਤਨ ( ਕਟੋਰੇ )ਵੰਡਣ ਲਈ ਤੇ ਵੱਖ ਵੱਖ ਕਿਸਮ ਦੇ ਛਾਂ ਦਾਰ ਤੇ ਫਲਦਾਰ ਬੂਟੇ ਵੰਡਣ ਲਈ ਸਮਾਗਮ ਅਯੋਜਿਤ ਕੀਤਾ ਗਿਆ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਵਾਤਾਵਰਨ ਪ੍ਰੇਮੀ ਮਾਸਟਰ ਲਛਮਣ ਸਿੰਘ ਚੱਠਾ ਸਨ। ਉਨਾ ਨੇ ਸਾਡੇ ਜੀਵਨ ਵਿੱਚ ਪੰਛੀਆਂ ਦੀ ਮਹੱਤਤਾ ਅਤੇ ਲੋੜ ਵਾਰੇ ਅਤੇ ਵਾਤਾਵਰਨ ਨੂੰ ਸੁ਼ਧ ਰੱਖਣ ਲਈ ਦਰਖਤਾਂ ਦੀ ਲੋੜ ਬਾਰੇ ਤੱਥਾਂ ਪ੍ਰਭੂਰ ਜਾਣਕਾਰੀ ਦਿੱਤੀ। ਐਸੋਸੀਏਸ਼ਨ ਦੇ ਪ੍ਰਧਾਨ ਰੁਪਿੰਦਰ ਭਾਰਦਵਾਜ ਨੇ ਸ, ਚੱਠਾ ਨੂੰ ਜੀ ਆਇਆ ਕਿਹਾ ਤੇ ਸਮੇ ਸਮੇ ਤੇ ਬੂਟੇ ਆਦਿ ਵੰਡਣ ਲਈ ਧੰਨਵਾਦ ਕੀਤਾ। ਇਹ ਸਾਰੇ ਬੂਟੇ, ਬਰਤਨ (ਕਟੋਰੇ )ਅਤੇ ਪੰਛੀਆਂ ਲਈ ਆਲ੍ਹਣੇ ਮਾਸਟਰ ਲਛਮਣ ਸਿੰਘ ਚੱਠਾ ਜੀ ਵੱਲੋਂ ਫਰੀ ਦਿੱਤੇ ਗਏ ਇਸ ਲਈ ਵੀ ਸਾਰੀ ਐਸੋਸੀਏਸ਼ਨ ਨੇ ਚੱਠਾ ਸਾਹਿਬ ਦਾ ਬਹੁਤ ਬਹੁਤ ਧੰਨਵਾਦ ਕੀਤਾ । ਬਲਵਿੰਦਰ ਭਾਰਦਵਾਜ ਨੇ ਸਟੇਜ ਦੀ ਕਾਰਵਾਈ ਚਲਾਈ। ਇਸ ਮੌਕੇ ਤੇ ਦਰਜਨਾ ਹੀ ਬੂਟੇ, ਕਟੋਰੇ ਤੇ ਆਲ੍ਹਣੇ ਵੰਡੇ ਗਏ। ਸਾਰੇ ਮੈਂਬਰਾਂ ਨੇ ਵਾਤਾਵਰਨ ਪ੍ਰੇਮੀ ਮਾਸਟਰ ਲਛਮਣ ਸਿੰਘ ਚੱਠਾ ਤੇ ਉਨ੍ਹਾਂ ਦੀ ਟੀਮ ਦਾ ਗਰਮਜੋਸੀ਼ ਨਾਲ ਸਵਾਗਤ ਕੀਤਾ।
ਇਸ ਮੌਕੇ ਤੇ ਪ੍ਰਧਾਨ ਰੁਪਿੰਦਰ ਭਰਦਵਾਜ, ਬਲਵਿੰਦਰ ਭਾਰਦਵਾਜ, ਪਵਨ ਗੁਜਰਾਂ, ਰਾਜ ਕੁਮਾਰ ਗੋਇਲ, ਲਾਜਪਤ ਰਾਏ ਗਰਗ, ਕ੍ਰਿਸ਼ਨ ਸੰਦੋਹਾ, ਸੁਖਚੈਨ ਸਿੰਘ ਖਹਿਰਾ, ਭੀਮ ਸੈਨ, ਸੁਰਿੰਦਰ ਘਈ, ਭਰਤ ਹਰੀ ਸ਼ਰਮਾ, ਸੁਖਦੇਵ ਸਿੰਘ ਚੀਮਾ, ਪ੍ਰੇਮ ਅਗਰਵਾਲ, ਸਾ਼ਮ ਗੋਇਲ, ਰਕੇਸ਼ ਜਿੰਦਲ, ਰਾਜ ਕੁਮਾਰ ਡੱਲਾ, ਨਰੇਸ਼ ਕੁਮਾਰ, ਸੁਰਿੰਦਰ ਕੁਮਾਰ ਛਾਜਲੀ, ਸੁਰਿੰਦਰ ਸਿੰਘ, ਨਰੇਸ਼ ਗੁਜਰਾਂ, ਸੁਭਾਸ਼ ਵਰਮਾ, ਭੂਸ਼ਨ ਕਾਂਤ ਸ਼ਰਮਾ, ਐਮ, ਐਲ ਵਰਮਾ, ਰਾਮ ਲਾਲ ਤਾਇਲ, ਵੇਦ ਕਪੂਰ, ਸਾ਼ਮ ਲਾਲ ਵਕੀਲ, ਮਹਿੰਦਰ ਸਿੰਘ ਜੌੜਾ, ਕਾਹਨ ਦਾਸ ਬਾਵਾ, ਇੰਜੀ, ਦਵਿੰਦਰ ਸਿੰਘ, ਜੀਤ ਸਿੰਘ ਬੰਗਾ, ਰਮੇਸ਼ ਸ਼ਰਮਾ ਐਡਵੋਕੇਟ, ਬੇਅੰਤ ਸਿੰਘ ਸਮੇਤ ਸੰਸਥਾ ਦੇ ਮੈਂਬਰ, ਵਾਤਾਵਰਨ ਪ੍ਰੇਮੀਆਂ ਦੀ ਟੀਮ ਤੇ ਭੈਣ ਭਰਾ ਭਾਰੀ ਗਿਣਤੀ ਵਿੱਚ ਹਾਜਰ ਸਨ।